احداث فى القصر الرئاسى <-=

نبذة عن موضوع...

احداث فى القصر الرئاسى

سوزان : ما تهمد بأه يا حسني داخل طالع من الحمام في ايه ؟

حسني : إسهال ومغص بعيد عنك .. انتي مش شايفة المظاهرات والبلاوي اللي في الشارع دي

سوزان : هيقولوا البوقين بتاع كل مرة وهيروحوا ومش هيحصل حاجة

حسني : مش حاسس .. حاسس إن المرة دي غير كل مرة

سوزان : أسكت ببوزك الناشف ده وهتشوف

(المذيع في نشرة الأخبار : المظاهرات الحاشدة ومئات الآلاف من المصريين يتقدمون نحو قصر الرئاسة )

حسني : يا خراب بيتك يا حسني مش قلتلك يا بوز الأخص انتي

سوزان : طيب وهتعمل ايه يا منيل دلوقتي؟

(زكريا عزمي يدخل بسرعة وهوا بينهج وبيقول الحق الحق ياريس )

حسني : فيه ايه أنت كمان ؟

زكريا : جمال وعلاء خدوا طيارة وملوها فلوس ودهب وطاروا

حسني : يا ولاد الناصحة .. شفتي أولادك يا سوزان .. سابوا أبوهم وجريوا مش كانوا ياخدوني معاهم شفت اخر تربيتك ؟

سوزان : طيب أنا ألحق بأه أجهزلك الشنطة

حسني : بس ما تنسيش المايوه الأحمر الشفتشي بتاعي

سوزان : طول عمرك تافه يا حسني

( سوزان تفتح اللاب توب بتاعها )

حسني : بتعملي ايه وهوا ده وقت كمبيوتر

سوزان : ثواني بس هنزل الموضوع على مزيكا تو داى

حسني : ياولية وهوا ده وقت مزيكات .. يارب تتحظري

(افرى اوقف الولية دى)

سوزان : عيب ده أنا مزيكاوية اصيلة

حسني : والله أنا اللي هتشل

زكريا : ياريس ياريس

حسني : قول يا غراب

زكريا: ابن علي (رئيس تونس السابق) باعتلك رسالة من السعودية بيقولك حجزلك أودة جنبه وبيقولك انجز بأه وأخلع قبل ما تتقفش

حسني : يالا يا سوزان خلاص بلاش المايوه الأحمر يالا عشان نخلع

زكريا : ايه يا ريس بجد أنت هتخلع ؟

حسني : ايوا يا عم أنت مش شايف اللي بيحصل بيقولك جايين على القصر
حسني : يا زكريا

زكريا : نعم يا حسني

حسني : حسني كدا حاف يا زكريا

زكريا : ما خلاص يا معلم كل ريس وأنت طيب .. المهم عايز ايه انجز

حسني : ماشي يا واطي .. المهم فين صفوت الشريف

زكريا : هاهاهاي في الخلعون من امبارح

حسني : ونظيف ؟؟

زكريا: هأو نظيف خد أول طيارة على سويسرا وطار

حسني : يا أندال ماشي .. عموماً بص خليهم يجهزولي الطيارة

زكريا : بص هوا ... احم احم

حسني : مالك يا زكريا فيه ايه؟

زكريا : مفيش طيارات الوزرا خادوا كل الطيارات اللي عندنا وسافروا

حسني : يا خراب بيتك يعني ايه مفيش طريقة نهرب بيها ؟

زكريا : بص يا حسحس من رأيي نهرب بتكتك

انتظرونا في الجزء الثاني

سؤال الحلقة
ماذا سيفعل الرئيس ؟
1- هيسافر بره
2- هيهرب في الجبل
3- هيفتح سايبر

ملحوظة رفيعه ..عزمي دة رئيس الديوان بتاع حسني

وابن علي : رئيس تونس اللي هرب